21-ე საუკუნის უნარები და ეროვნული სასწავლო გეგმა

ს.გ.IX.2.  მოსწავლე  აცნობიერებს  სამყაროს როგორც მრავალფეროვანი  გრძნობებისა  და  იდეების წყაროს და შეუძლია შემოქმედებითად ასახოს ნამუშევარში.

შედეგი თვალსაჩინოა, თუ მოსწავლე:

·           იყენებს სხვადასხვა კულტურის და პერიოდის შემოქმედთა ნაწარმოებებს საკუთარი ჩანაფიქრის გასახორციელებლად;

·           ირჩევს თემას საკუთარი ემოციებისა და შთაბეჭდილებების საფუძველზე და ასახავს ნამუშევარში;

ს.გ.IX.4.    მოსწავლეს შეუძლია გამოიყენოს სახვითი ხელოვნების ელემენტებისა და პრინციპების ცოდნა ხელოვნების კონკრეტული ნიმუშის ანალიზის დროს.

შედეგი თვალსაჩინოა, თუ მოსწავლე:

·           წინასწარ შერჩეული კრიტერიუმების მიხედვით აფასებს ნამუშევარს;

·           გამოთქვამს მოსაზრებას ხელოვნების ნიმუშის მხატვრული ღირებულების შესახებ და ცდილობს დაასაბუთოს საკუთარი აზრი.

 ს.გ.IX.5.  მოსწავლეს  შეუძლია  ამოიცნოს და  შეადაროს  ერთმანეთს  სხვადასხვა  ეპოქისა და სტილის ნამუშევრები.  

    შედეგი თვალსაჩინოა, თუ მოსწავლე:

·           ახასიათებს XX საუკუნის ხელოვნების რამდენიმე მიმდინარეობის  ცნობილ ნიმუშს;

·           კონკრეტული ნიმუშების მაგალითზე მსჯელობს მსგავსება-განსხვავებაზე, რომელიც არსებობს სხვადასხვა პერიოდის ხელოვნებაში (ძველი, ახალი და თანამედროვე);

·           ამოიცნობს კონკრეტული მხატვრის ნამუშევარს და მსჯელობს მისი შემოქმედების სტილსა და მანერაზე.

ს.გ.IX.6. მოსწავლე იკვლევს და განმარტავს კონტექსტის გავლენას კონკრეტულ ნაწარმოებსა და ხელოვანის შემოქმედებაზე.  

შედეგი თვალსაჩინოა, თუ მოსწავლე:

·           მსჯელობს, თუ რა გავლენა იქონია ამა თუ იმ ისტორიულმა მოვლენამ რომელიმე კონკრეტულ ნამუშევარზე;

·           მსჯელობს, თუ როგორ აისახება ეპოქის იდეური და სტილისტური ნიშნები ხელოვანის შემოქმედებაზე.

შემოქმედებითობა და გამომგონებლობა

●     ახალი და მრავალფეროვანი პერსპექტივებისთვის ღიაობა და მზაობა;

●     შემოქმედებითი იდეების პრაქტიკული გამოცდა ინოვაციურ სფეროში, მასში ეფექტური და რეალური წვლილის შესატანად.

კრიტიკული აზროვნება და პრობლემების გადაჭრა

●     საღი მსჯელობა და აღქმა;

●     ინფორმაციის კლასიფიკაცია, ანალიზი და სინთეზირება პრობლემების გადასაჭრელად და კითხვებზე პასუხების გასაცემად.

 კომუნიკაცია და თანამშრომლობა

●     იდეებისა და აზრის ნათლად და ეფექტურად გამოხატვა წერილობითი თუ სიტყვიერი ფორმით;

●     სხვადასხვა ჯგუფთან ეფექტური მუშაობის უნარის დემონსტრირება;

●      პასუხისმგებლობების გაზიარება მუშაობის პროცესში.